Markaðsverkefni um íslenska hestinn

Tilgangur markaðsverkefnisins Horses of Iceland er að byggja upp orðspor íslenska hestsins um heim allan til að leggja grunn að aukinni verðmætasköpun og útbreiðslu hestsins á heimsvísu.

Horses of Iceland er alþjóðlegt markaðsverkefni sem var ýtt úr vör í apríl 2015 með aðkomu helstu samtaka og hagsmunaaðila í hestatengdri starfsemi, Íslandsstofu og stjórnvalda. Markmið verkefnisins er að auka vitund um íslenska hestinn og styrkja ímynd hans á alþjóðlegum mörkuðum með því að vekja athygli á kostum hans, sem og þjónustu og vörum tengdum íslenskri hestamennsku. Jafnframt er markmiðið að stækka samfélagið í kringum íslenska hestinn á heimsvísu og stuðla að aukinni verðmætasköpun í greininni.

Verkefnið byggir á samstarfi fyrirtækja, félaga og samtaka innan hestageirans, bæði hér á landi og erlendis. Meðal þátttakenda eru FHB, LH og íslenska ríkið. Íslandsstofa sá um frakvæmd verkefnisins út árið 2025.